Video
Read full review
2022-05-16
243 views
榮哥煮埸嘅老闆兼大廚榮哥曾任高級酒家嘅主管，曾勇奪多個廚神獎項，出品質素一定非常有保證，今日就嚟朝聖一下，以茶餐廳嘅價錢可以食到高級酒家嘅質素👍🏻👍🏻店舖晚市主打二人套餐，可以選擇佢哋嘅招牌雞煲，有花膠雞，黃酒雞，胡椒豬肚雞或者酸菜魚煲，再自選一個小菜，仲有一個前菜，兩碗白飯再加兩碗糖水都係二百幾蚊，真係非常超值，當然亦有大量撚手小菜可以自由選擇我哋今日就非常大食，樣樣都想食，所以就揀咗一個二人套餐再加多一個餸🫢🫢▪️二人套餐 $ 268🐟招牌酸菜魚煲酸菜魚湯味道濃厚，魚味濃郁，非常清甜的酸菜魚湯好好飲，魚嘅份量都好多，肉質好滑，仲有好多其他材料，酸菜，香菇，芽菜，木耳都非常好食，最後食到湯一滴都冇剩，好食過好多轉做酸菜魚嘅店舖🐔薑蔥霸王雞呢個雞真係不得了，高級酒樓水準，睇相都知道已經係正，雞差唔多有半隻，雞皮爽脆，雞肉滑到一個點，配上羗絲蔥絲同埋正宗嘅霸王雞汁，超級好食，覺得唔夠味嘅話仲可以點埋佢哋嘅辣椒豉油，更加正🥬麻醬豆角從未食過呢個涼菜，豆角非常爽脆，配上麻醬汁，好味又開胃嘅一個前菜🐷酸甜藍莓骨 $ 98 呢個都係榮哥推介嘅其中一個餸菜，首先份量都係非常慷慨，排骨多肉少骨，炸到外
榮哥煮埸嘅老闆兼大廚榮哥曾任高級酒家嘅主管，曾勇奪多個廚神獎項，出品質素一定非常有保證，今日就嚟朝聖一下，以茶餐廳嘅價錢可以食到高級酒家嘅質素👍🏻👍🏻
店舖晚市主打二人套餐，可以選擇佢哋嘅招牌雞煲，有花膠雞，黃酒雞，胡椒豬肚雞或者酸菜魚煲，再自選一個小菜，仲有一個前菜，兩碗白飯再加兩碗糖水都係二百幾蚊，真係非常超值，當然亦有大量撚手小菜可以自由選擇
我哋今日就非常大食，樣樣都想食，所以就揀咗一個二人套餐再加多一個餸🫢🫢
▪️二人套餐 $ 268
🐟招牌酸菜魚煲
酸菜魚湯味道濃厚，魚味濃郁，非常清甜的酸菜魚湯好好飲，魚嘅份量都好多，肉質好滑，仲有好多其他材料，酸菜，香菇，芽菜，木耳都非常好食，最後食到湯一滴都冇剩，好食過好多轉做酸菜魚嘅店舖
🐔薑蔥霸王雞
呢個雞真係不得了，高級酒樓水準，睇相都知道已經係正，雞差唔多有半隻，雞皮爽脆，雞肉滑到一個點，配上羗絲蔥絲同埋正宗嘅霸王雞汁，超級好食，覺得唔夠味嘅話仲可以點埋佢哋嘅辣椒豉油，更加正
🥬麻醬豆角
從未食過呢個涼菜，豆角非常爽脆，配上麻醬汁，好味又開胃嘅一個前菜
🐷酸甜藍莓骨 $ 98
呢個都係榮哥推介嘅其中一個餸菜，首先份量都係非常慷慨，排骨多肉少骨，炸到外脆內軟，肉有咬口帶少少肥，正正，藍莓醬汁酸酸甜甜好重藍莓既味道 ，配上排骨粒粒掛汁，排骨外層仍然保持酥脆，好食到停唔到口
🍯楊枝甘露
最後係跟餐送嘅楊枝甘露，一樣咁高質，非常清甜嘅芒果味道，除咗有芒果肉，西米，柚子肉，仲加埋爆珠粒粒，非常用心做嘅楊枝甘露，靜雞雞講個秘密，原來老闆娘係喺西環開甜品舖，怪不得連糖水都咁好食👍🏻
✨必須回訪的，鍾意叫餸食飯嘅朋友絕對唔可以錯過，菜式選擇多，食物質素又高，而且價錢相宜，真係好抵食，下次一定要試佢嘅花膠雞煲✨
Post
