鮮味蒸滾鍋

Open Now

Now Closed

同班朋友慶生飯，搵到呢間海鮮蒸鍋，真心正！好彩我哋提前book位，有獨立房間，非常有私隱度，適合聚會！侍應全程幫手蒸海鮮兼換碟，我哋只需專心享受，岩哂懶人。首先每人有盅燉湯暖胃，湯底味道濃郁。接著重頭戲來了：龍蝦和活海貝打頭陣，龍蝦肉質彈牙，完全無腥味！八款選四款海鮮，揀咗海蝦、鮮龍躉件、象拔蚌和大蟶子。除咗象拔蚌有少少腥味，其他海鮮都鮮甜到爆燈，尤其是蟶子配上蒜蓉粉絲，蒸得啱啱好，唔會韌！海鮮蒸完之後，輪到蟲草花蒸文昌雞，雞肉入味亦鮮嫩，仲有梅菜蒸豬肉丸和自家制鮮蝦丸，手打丸子彈牙，唔係雪藏貨。最正係個海鮮粥底，吸收晒海鮮精華。火鍋部分有任手切牛頸脊、黑毛豬、羊肉片同其他火鍋配料，但未食到火鍋都其實已經飽到上心口。飲品櫃＆雪糕亦係任拎，最後仲有紅棗糕，完美收尾！整體而言，$400幾就可以食到咁多即點即蒸新鮮海鮮，仲要有包埋任食火鍋，晚市爆場真係有道理，值得推薦！