真心泰國菜館 (Closed)

以前去親朗豪坊睇戲，都經常上嚟真心泰國菜館食飯，因為呢度出名平靚正！搬咗去新界之後一直都冇出嚟食飯，今日趁住去帶亞仔新年前買波鞋，順道帶佢嚟緬懷一下爸爸媽媽拍拖時嘅飯堂。呢度嘅裝修依舊，好有泰國feel！好有親切感。食物質素保持一向水準，坐低即刻整返支象啤先再叫個小食拼盤同冬陰功湯。個湯用料十足，好多香料，勁正宗，不過就辣到阿仔飛起。再叫咗菠蘿炒飯同鴨肉撈麵，仍然係大碟夾抵食。阿囝原本諗住食埋個甜品芒果糯米飯㗎，點知飽到食唔到了，唯有下次再嚟幫襯。