泰屋

Open Now

Now Closed

呢間泰國餐廳係樓上鋪，地理位置十分優越，係旺角站附近。泰式酸辣湯呢碗湯都幾足料，望落有蕃茄仔，草菇，洋蔥，蔥，蒜頭，飲落酸酸地又有香濃香茅味，去過咁多間泰式餐廳，呢間嘅泰式湯暫時黎講算係最好飲，一試難忘。辣椒膏雞粒炒飯原本以為飯名有辣椒兩個字會辣啲，點知只係好微辣，炒飯質感有啲軟，味道一般。泰式香葉肉碎煎蛋飯肉碎辣辣地，炒得夠香夠惹味，上碟時候仲好熱，肉碎又冇乜肥肉唔會好油膩，十分推介呢碟飯。兩碟飯加兩杯凍飲都係$107，都幾抵食，我見隔離台嘅金邊粉好似唔錯，下次可以再來一試其他飯麵。