DONYIN DINER

低至$118一碗新鮮丼飯，滿到瀉嘅一碗，滿足爆丼嘅欲望～餐廳裝修型格，玩味十足，行年輕人路線，入夜人流依舊絡繹不絕，受歡迎程度可見一斑。Menu食物選擇良多，除咗signature嘅丼飯外，還有卷物和小食。吾岩心水？嚟個自選丼飯，將所有心頭好納入碗中都得啊！

▶️日本牛牛牛丼($178)
季節限定嘅日本牛丼，用料豐富，除咗主角牛肉，還有紅酒藍莓鵝肝和魚子醬粒粒爆。淋上少許特別鮮的日本豉油，啖啖都好美味！第一次食這種做法的鵝肝，口感細膩肥美～

▶️九公丼($178)
刺身大滿貫絕對要食哩碗九公丼，用料齊全，有海膽、帶子、三文魚、吞拿魚、拖羅蓉、蟹肉、蟹籽、三文魚籽、牡丹蝦，上枱時滿滿一碗，好療癒～每樣刺身都新鮮，而我最中意系牡丹蝦同海膽，食完仲想再食～

▶️白桃烏龍茶($15)
清新桃味濃，獨立包裝容易攜帶，飲吾完都可以拎住繼續行街，真係非常方便！