甜一點 (Closed)

同男朋友收咗工之後去旺角行街，行到攰攰地發現左呢間少女風餐廳，見有正餐+甜點好吸引，而且價錢幾平，就試試佢。餐廳裝修使用粉紅色作為主色，配上花系裝飾，望落好少女風。>安格斯漢堡排全日早餐：好豐盛既All Day Breakfast，安格斯牛肉漢堡煎到好香口，食落幾有牛味；個香腸切到好靚好好味，比較特別係有西瓜球，食完都幾解膩。>大塊雞扒漢堡配沙律：雞扒大塊過我手掌，又夠厚身，肉質嫩滑多汁，食到啖啖肉好滿足。>鮮奶燉蛋白：搖下佢識得震既蛋白，奶味香濃，味道唔太甜。>糖不甩：大大粒咬落好軟糯，配上花生碎食都唔錯。另外仲有免費茶飲，幾有茶香。