大眾燒肉酒場 X 陀地燒 (Closed)

今日就同大家去食一間性價比幾高既燒肉店。呢間新開餐廳位於旺角通菜街，方置夠哂方便，內裡座位都幾鬆動，店員都幾Nice，搵店員幫手都好快過嚟！今次我地叫左幾份燒肉，每碟都有幾片牛，價錢幾實惠！我地就最鐘意「和牛霜降・赤身盛」、「和牛五花」，牛肉雪花紋好靚，油脂分布平衡，入口淡淡充滿油香😊。鐘意食牛脷既朋友，我就推薦「厚切牛舌芯」，每片都好厚身，咬落爽脆，中間好嫩滑。「薄切牛舌」就好抵食，薄薄燒一燒就可以食得，味道都唔錯👍🏻！除左燒肉，都仲有幾款幾抵食。「免治和牛多士」外面烘得香脆，中間免治和牛啖啖肉，啖啖滿足❤️。唔想自己燒，大家可以叫呢一份「和牛壽喜燒」，有店員會幫你即場火灸和牛，油香豐富，蘸埋壽喜燒蛋汁更加嫩滑😊！嚟到燒肉店唔食牛，都有雞肉、豬肉選擇。我地揀左呢款「京葱燒鳥丼」，雞肉燒得幾惹味，仲帶點蔥香！配埋個蛋黃濕潤度就剛剛好，蛋味濃郁更惹味🙂！我地對呢間燒肉總體感覺都唔錯😃，價錢都幾實惠，牛肉質素都🆗！大家經過旺角都不妨一試～