淥鼎記

Open Now

Now Closed

依家天氣轉涼，冇理由去打邊爐嘅今次就比我搵到旺角一間就係位於創興廣場嘅淥鼎記！其中佢哋係鰲拜套餐非常之抵，無限係$488一位四位起！前菜方面，佢哋有黃金魚皮同埋豉椒鵝腸，其中我最鍾意佢嘅黃金魚皮有濃厚嘅鹹蛋味。至於刺身方面，佢哋嘅時令刺身，包括象拔蚌、刺身、生醃龍蝦、鮑魚刺身，非常新鮮香甜可口，爽脆口感！主菜方面，佢哋有六款選擇其中我哋選咗老壇酸菜魚，魚肉肉汁鮮嫩，酸微微非常之開胃！嚟到最矚目嘅火鍋，佢哋有現切牛肉一份，現切沙巴躉一份，手工紫菜響鈴一份，仲有精美菜籃，其中最開心就係見到台灣嘅水蓮，真係好耐冇食過啦！