極上帝王水產

Open Now

Now Closed

餐廳：極上帝王水產地址：旺角西洋菜南街1N號兆萬中心9樓想食燒肉又心思思想打邊爐仲想食放題？🔥 呢間「極上帝王水產」一次過滿足你兩個願望！地點超就腳，油麻地站A2出口行幾分鐘直達兆萬。一開𨋢門就俾滿滿嘅日式氛圍包圍，瞬間有種穿越到東京夜市嘅感覺！位置都算闊落。🐟 刺身控必點：佢哋嘅刺身拼盤絕對係視覺與味覺雙重享受！成艘「刺身船」霸氣登場，裝飾得好靚，仲有乾冰出緊煙，打卡一流之餘，種類齊全，挪威三文魚又厚身又肥美，鮑魚都係成粒上，最有驚喜係有泰式辣醬蝦，夏天食刺身真係冰感十足。🔥 燒肉自由：由海鮮到牛肉、蔬菜應有盡有，個人大推燒魷魚！自己調味再即場燒烤，香氣撲鼻，配杯啤酒簡直絕配！我哋仲追加咗日式和牛，成隻金牛咁送上嚟，個鼻仲識噴煙，店員話燒到七成熟就得，入口即溶，簡直不得了。🍢 驚喜小食：除咗主菜，小食menu都誠意十足——沙律、天婦羅、串燒樣樣齊。私心最愛係泰式蝦餅，外皮金黃酥脆，咬落去熱辣辣～點埋泰式甜辣醬，出邊食一份都要幾十蚊！依家嘅放題真係越嚟越多，間間都話自己最多嘢食，我就覺得要做到又有CP值，又特別，呢間就做到啦！