Video
Read full review
2019-09-10
247 views
今日同朋友難得一聚，行完街大約8點鐘餓餓地就去左左依間到食放題。可能因為我地食既時間比較晏，外面唔算好多人排隊，等左一陣就到我地入去。 店入面環境唔算好闊落，不過坐我地4個女仔都唔算太逼既。飲品選擇同一般放題差唔多，甜品門口有限量既韓式雪條，食完野臨走可以拎一枝慢慢食。(店入面得維他雪糕，所以記得要食甜品要出門口個櫃睇埋) 食物方面見到刺身入蝦既種類比較多，店鋪應該係主打蝦刺身，所以第一輪我同朋友都叫左唔少蝦。等左冇幾耐刺身就上桌，賣相都唔錯。食落蝦(應該係叫天使蝦？）有驚喜，冇腥味好彈牙，連我依個唔多食蝦既人都食多左兩隻，三文魚基本野不過不失就唔多講，依間鋪主要貝類同蝦都唔伏，依個價位算係咁。 熟食我地點左辣炒蜆，夠惹味! 炸物入而炸芝士（唔記得影相）同炸牛奶都唔錯，不過炸芝士好頂胃，建議大家一人一粒就好。但講到全晚最佳既，唔係刺身，都唔係炸芝士，係烤牛舌！個牛舌係厚切，烤到岩岩熟，唔會好難咬，正爆，搞到我同朋友飽飽地都要再點多轉牛舌。 今次神戶屋晚餐一人179,係旺角算係低價放題，但質素都唔錯，刺身平均水準幾好，其中蝦仲超出意料，而且仲有火鍋可以點，如果同行有朋友唔食得生野都
店入面環境唔算好闊落，不過坐我地4個女仔都唔算太逼既。飲品選擇同一般放題差唔多，甜品門口有限量既韓式雪條，食完野臨走可以拎一枝慢慢食。(店入面得維他雪糕，所以記得要食甜品要出門口個櫃睇埋)
食物方面見到刺身入蝦既種類比較多，店鋪應該係主打蝦刺身，所以第一輪我同朋友都叫左唔少蝦。等左冇幾耐刺身就上桌，賣相都唔錯。食落蝦(應該係叫天使蝦？）有驚喜，冇腥味好彈牙，連我依個唔多食蝦既人都食多左兩隻，三文魚基本野不過不失就唔多講，依間鋪主要貝類同蝦都唔伏，依個價位算係咁。
熟食我地點左辣炒蜆，夠惹味! 炸物入而炸芝士（唔記得影相）同炸牛奶都唔錯，不過炸芝士好頂胃，建議大家一人一粒就好。但講到全晚最佳既，唔係刺身，都唔係炸芝士，係烤牛舌！個牛舌係厚切，烤到岩岩熟，唔會好難咬，正爆，搞到我同朋友飽飽地都要再點多轉牛舌。
今次神戶屋晚餐一人179,係旺角算係低價放題，但質素都唔錯，刺身平均水準幾好，其中蝦仲超出意料，而且仲有火鍋可以點，如果同行有朋友唔食得生野都可以放心，如果想食平民放題的話，神戶屋可以一試。
Post
