如月居酒屋 (Closed)

旺角平價美食多，選擇都普遍幾款，座位環境未必可以好舒適。小編最近係Openrice 見到有一間新開的日系料理，主打丼飯、手製麵同串燒，就搵日周末約朋友去試下。環境係同omakese一樣，有bar臺同卡位，裝飾風格好有復古味道，同埋好多酒選擇，適合酒鬼暢飲一番（小編見到幾多食客都會一杯啤酒🍺）滑蛋吉利豬排飯呢個有驚喜，豬排外層香脆，脆皮不厚，唔會未食豬肉就已經飽。豬肉同脆皮無炸到分開，豬肉厚身多汁。滑蛋好嫩滑，蛋黃味唔明顯，反而食到淡淡的甜醬汁味及芝麻香味，洋蔥同香菇增添口感同風味。日本珍珠米煮到軟硬適中，不是吉野家或者韓國的濕軟黏糊口感，而是粒粒分明，食到每粒口感。九州蕎麥麵陪炸雞炎熱天氣食蕎麥麵最好不過了，麵條清爽富有少許彈性，直接食或沾上淡醬油汁都好舒服，亦可以加上芝麻同蔥花增加香氣。炸雞有4大件，同平時的炸雞唔同，佢係南蠻口感，外層只是一層薄漿，帶微微的辣跟酸，入面雞腿肉保持嫩滑多汁。串燒自選茄子、阿波尾雞翼、阿波尾雞軟骨、鹽燒白鱔整體都好好食，特別係雞軟骨同雞翼，雞油好香，黑胡椒令到味道昇華，雞肉嫩滑雞味突出。茄子很特別，因為有塗上牛油。白鱔口感彈牙，微鮮，有少少檸檬汁的酸味。