泰好記

Open Now

Now Closed

女人街不嬲都多嘢食，有時諗唔到食咩就會亂入一間，今次去咗一間都幾抵食嘅泰國嘢，個名仲係食字，叫做泰好記😂嘢食嘅選擇都相當多，基本嘅泰國嘢都有齊。叫咗10次有九次我都食嘅香葉肉碎煎蛋飯，肉碎炒得好香，而且非常之夠味，唔錯！另外仲有馬拉盞炒通菜，非常大兜，而且好夠鑊氣，好有泰式風味👍🏻而紅咖喱牛肉亦都好足料，除咗肥牛之外，亦都有茄子、四季豆等等，非常惹味！另外叫咗一份蒜蓉包，蒜蓉包都焗得好香脆，而且搽得夠多蒜蓉牛油，夠香！嘢飲就叫咗食泰國嘢必飲嘅珍多冰同椰青，非常之解暑！