晴朗吧 (Closed)

估唔到旺角呢個鬧市入面，都可以有呢種喺唐樓天台BBQ嘅自助放題， 夜晚一大班人燒烤真係好有feel！晴朗吧其實本身喺12樓係一間酒吧，酒吧就六點半後先開門， 但其實12樓上一層嘅天台都係屬於佢哋嘅燒烤場， 平時下午/夜晚都可以喺度燒烤👍呢個場大概可以坐到5-10人，都算係幾大，有3個爐，餐廳係選用日本備長炭燒烤，有店員幫你透爐 同準備食物，唔需要自己再周圍買材料😄 而且呢隻炭都算燒得幾快，過程唔使等好耐就有得食！我哋今次去係平日晚上，收費方面係$268 (星期一至四晚上)，$298 (星期五六日及公眾假期)，價錢方面唔算太進取， 而且喺服務同食物質素上都算係高水準，飲品可以任飲，我哋呢晚都食得幾飽，好enjoy，都幾值回票價㗎！食物款式真係有好多好多種，而且醃製嘅醃料亦有唔同款！ 肉方面分別有日式豬扒、法式雞扒、印度豬扒、金沙骨、中東羊架、 仲有唔同口味嘅雞翼、牛扒、魷魚等！每一款嘅口味我都幾鍾意，總有一款啱大家胃口！店員好親切，仲推介同準備咗燒金針菇、燒茄子、燒翠玉瓜同烘方包！咁多嘢食，點會仲食唔飽🤣環境方面，可能因為係唐樓天台，而且又係新開張 試業中， 我哋嚟嘅時候裝修得亦未係最