茶茶台式料理 (Closed)

行完旺角睇完玩具，原本諗住過黑布街/白布街搵下野食，經過豉油街，見茶茶有台式飲品，又有飯、鍋物同串燒，於是就入去食喇。我同朋友兩個人，我點左四寶滷肉飯餐同芝士凍頂烏龍茶。朋友就點左招牌臭臭鍋同芝士莓莓。 上餐好快同職員既服務態度好好。台式四寶滷肉飯餐份量好多，好低食。滷肉好夠味，青瓜好清爽好好食。 飲品我唔中意甜的，所以杯芝士凍頂烏龍茶叫左走甜。茶香，佢個芝士奶蓋好正。唯一缺點係個蓋好實，開左好耐先開到。招牌臭臭鍋可以選辣度，朋友唔食得好辣，所以叫左小辣。上到黎見個鍋好足料。朋友俾左件臭豆腐我食，好香好正。杯芝士莓莓，我就無份飲喇，朋友話好正喎。