甜悅

Open Now

Now Closed

我哋個晚食完晚飯，經過波鞋街發現咗呢間新開嘅甜品店。我哋叫咗3個唔同嘅甜品。首先喺榴槤班戟，好香陣陣嘅榴槤味，爆多餡料，本身我自己好中意榴槤，喺香港好食嘅榴槤其實唔易搵，推介呢間俾大家。另外，我哋叫咗個楊枝甘露+雪糕，起初覺得芒果雪糕+$10有啲貴，但係呢個真係隱藏食法因為芒果雪糕加咗落去，楊枝甘露個嘅奶香味更出色、勁滑溜、勁好食最後，原盅椰皇燉蛋白加芋圓加黑芝麻糊，個芝麻糊好杰身好有口感，我覺得芝麻糊份量唔多，少少扣分，而芋圓份量多、煙煙韌韌，拉均都算抵食。整體成間舖設計簡約，令人舒服，店員好有禮貌，大家可以試吓。