去開女人街附近食夜晚，見到呢間門口排晒長龍，同埋價錢都ok，晚市都要排一陣就有得入啦。
今日叫咗一份曼谷火車炒飯，一碟泰式炒芥蘭，一份冬陰公湯，仲有一杯泰式奶茶。
曼谷火車炒飯，佢食落去有少少辣，接受到嘅辣度，越食越惹味。
冬陰公湯佢係沿爐直接上菜，所以熱辣辣咁樣飲，別有一番風味，嚟緊天氣凍嘅時候飲就真係一流。味道幾好，唔似係味精湯粉，同埋大蝦都好新鮮。
泰式炒芥蘭，菜值得一讚係新鮮嘅，食得出有鑊氣。
泰式奶茶一飲落去就好似返咗泰國咁，味道幾正宗。
整體嚟講嘢食質素高，餐廳環境亦都好有泰國風味，所以都幾值得排隊去試吓
1
3
