🌟必點！涼拌極品海蜇頭
真系爽脆到冇朋友！咬落「索索」聲，個汁調得啱啱好，酸酸甜甜好開胃，仲要夠凍冰冰，食完成個人醒神曬！
🥟京蔥羊肉水餃
羊肉控必試！皮薄餡多，一咬開熱辣辣嘅肉汁爆出嚟，京蔥同羊肉嘅配搭絕配，食完成個口都系香味～
🥟蝦仁鮮肉水餃
每只都包到漲卜卜，原只蝦仁睇得到！鮮肉同蝦仁嘅組合好鮮味，細細個但系好滿足。
🍜麻辣肥牛五穀米線（我走辣）
叫咗走辣版本，個湯底都仲系咁香，肥牛份量足料，五穀米線健康得嚟夠飽肚，如果想刺激啲可以叫返正常版～
🍲跟餐烏雞湯
呢個真心推薦！燉到出味，飲落好潤，烏雞肉都仲保持到嫩滑，凍冰冰嘅天氣飲真系一流！
🥕加配嘅牛腩蘿蔔飯
牛腩煮得夠淋，蘿蔔索曬汁好入味，個燉湯真系冇得頂，飲得出落足料煲！
總結：呢間絕對系旺角區嘅隱世小店，價錢合理份量足，行街行到攏入去醫肚就啱曬！我諗我好快又會心思思想encore個海蜇頭同羊肉餃～👍
1
