喵界 (Closed)

好耐都無去貓Cafe，網上見到呢間位於旺角的「喵界」，立即行動去吸貓，小店新開所以人流唔算多，客人都可以盡情同貓貓玩，裝潢以白色為主，有白色低身枱及白色梳化，仲有吊椅、部份萬聖節裝飾。感覺簡單乾淨，而且都好舒服，好夠空間感，同貓貓互動也有足夠空間。一入小店，就由店主用消毒噴霧幫客人消毒，我自己就習慣玩前玩後都去廁所洗手入到店內，已經見到5-6隻貓，佢地好奇會即刻走近客人，之後貓貓就會行開，我起初有點緊張，因為未熟識貓貓性格，店主講解完，又提供玩具「逗貓棒」 (係老鼠公仔)，之後就同貓貓瘋狂玩，較年輕貓貓比較活躍，所以想影相打卡可以搵唔太郁動的貓貓。麥喵冰用「麥精」製成的沙冰，都打得好細滑夠哂冰凍，味道唔會太甜，係普通麥精味。當然主要目的來探望貓、親近一下、同貓玩下......打卡一流，所以來呢度飲野就夠，因為大部份時間都陪貓貓。除了凍飲款式都多，有沙冰系列、梳打系列、特飲、紅茶、朱古力、奶茶、咖啡、檸茶/水、罐裝飲品......還有部份熱飲。有數隻貓貓就係貓屋入休息，都盡量唔打擾佢地，好快咁影左相打卡就OK。成人收費: (每小時計)一小時 $88，每小時包一杯飲品，其後每小時 $68兩