古早味休閒台灣 (Closed)

早兩日行經旺角女人街附近，見有一個姐姐派傳單 介紹台灣菜，睇到個單張價錢幾吸引，於是就走上去試下，環境跟座位都好舒服，食品種類都好多，佢嘅鹽酥豆腐真係誇啦啦，酥香軟綿，面層鬆化，內心鹹香撲鼻。台式香腸，根本地的不一樣，特別軟滑，軟軟綿綿的質感，味道濃郁芳香。一碗紅燒三寶麵，份量十足，麵質煙韌彈牙，五香牛肉牛香滿載，軟腍多汁，牛肚非常入味，爽滑 甘香，還有牛筋同樣出色，柔韌得嚟夠軟腍。台式珍珠奶茶已經非常出名，飲品種類多款，添加各樣特色，我哋點了胚芽奶茶加珍珠，更加滋味，滑溜非常甜蜜蜜。menu