位於雅蘭中心地庫嘅呢一間台式火鍋專門店
湯底都有好多款選擇，我哋叫咗雙拼湯底
兩款都出色，誇張到我同朋友每人畢左一碗慢慢嘆
夫妻鴛鴦鍋 (麻辣鍋+花膠雞鍋)
首先兩款湯底都非常足料，配料係好多
麻辣湯入邊最出色嘅一定係鴨血
好順滑，亦都會大啲煙銀嘅口感，少少怪味都冇
冇得無限添，不過份量真係好多一定夠食
花膠雞湯都真係好有驚喜，經過12小時熬製
湯底好鮮甜，啲雞件就算食到最後都唔會好乾好鞋
花膠亦都煲得好淋好入味，果然係兩款都真材實料
夫妻牛盛摩天輪
呢個基本上係牛肉盛盒嘅概念，一共有八款牛
八款入面除咗牛骨髓，真係自己接受唔到個口感之外
所有肉都好香牛味，食得出肉質，牛味唔同嘅分別
之後會介紹三款最深刻嘅牛肉
美國安格斯牛小排、牛舌、美國穀飼牛板腱
牛小排好似一口牛咁，但好高質，就算放咗落湯底唔記得攞返上嚟超晒時，咬落去都仲係好有肉汁
牛舌係薄切牛舌，爽口彈牙，份量又多
比起入口即溶嘅牛肉，我比較鍾意厚身少少有質感嘅牛板腱，而且呢款牛肉仲吸到好多湯汁
團團丸丸
呢個係手打丸類嘅拼盤，一共有四款
蝦丸、墨魚丸、梅菜豚肉丸、松露丸
最鍾意係梅菜豚肉丸，味道惹味之餘，豚肉都有口感
另外果三款都偏向彈牙
尤其是墨魚丸，真係有粒粒墨魚，仲食到墨汁味
我哋仲叫咗另一款丸，叫豚肉鳳梨酥
從來未食過呢樣野，係豬肉丸入邊包住醃製過嘅鳳梨
食落都幾得意，同麻辣湯底都幾夾
最後仲有瓜熟蒂落，係一個蔬菜拼盤
比較特別嘅係入邊仲有薯仔同埋芋頭
