鳴橋燒肉料理 (Closed)

去完朗豪坊睇戲，原本打算入大埔BBQ,點知落雨，去燒野食燒唔成，但又釣起條燒烤引，行吓行吓，就搵到哩間鳴橋。見吓個餐牌，重有日本魚生食添，一次過食勻兩款食品，唔錯，吸引咗我入去幫襯。入到餐廳，無一d燒烤場嘅油煙味。首先試吓我最喜歡嘅香草羊扒先啦，羊騷味有少少唔係好重，自己鍾意有少少騷味，啱自己口味，雞中翼唔多醃料去醃制而肉味重，日本魚生新鮮，蟹子沙律落咗唔少沙律醬，哩點值得一讚。需要幫襯時人客不少，但上菜速度唔慢，好快上菜，而且餐廳員工d服務唔錯，無漏單。