Video
Read full review
2017-07-08
75 views
早排有晚去左兆萬8樓食放題，見佢平日$189一位，任飲任食2小時，埋單連加一收$416，收費算合理。一坐低就當然劃下食物先，由A至J咁多張紙，淨係填食物都得花多少時間。食物方面，我叫左刺身（主要係貝類）、熱食（例如叉燒拉麵，鐵板和牛粒，雞軟骨，鐵板炒銀芽，炒蜆等等），樣樣叫啲。呢度啲刺身幾新鮮，蝦刺身幾多款，仲有帶子同象拔蚌，啱晒鍾意食貝類嘅我。黎呢度食放題仲可以叫迷你火鍋，可以揀韓式芝士部隊鍋或壽喜鍋，我就揀左後者。估唔到除左肥牛之外，仲有唔少蔬菜可以均衡一下，而且蔬菜索左湯汁之後更覺鮮甜。最後想講呢度有好多甜品選擇，除左餐紙上可以選擇嘅榴槤炸彈、朱古力炸香蕉、炸雪糕、炸鮮奶同迷你心太軟之外，甜品櫃仲有雪糕、雪條、啫喱、豆腐花、奶凍等等。淨係食甜品都可以食到半飽呢！
早排有晚去左兆萬8樓食放題，見佢平日$189一位，任飲任食2小時，埋單連加一收$416，收費算合理。
一坐低就當然劃下食物先，由A至J咁多張紙，淨係填食物都得花多少時間。
食物方面，我叫左刺身（主要係貝類）、熱食（例如叉燒拉麵，鐵板和牛粒，雞軟骨，鐵板炒銀芽，炒蜆等等），樣樣叫啲。
呢度啲刺身幾新鮮，蝦刺身幾多款，仲有帶子同象拔蚌，啱晒鍾意食貝類嘅我。
黎呢度食放題仲可以叫迷你火鍋，可以揀韓式芝士部隊鍋或壽喜鍋，我就揀左後者。估唔到除左肥牛之外，仲有唔少蔬菜可以均衡一下，而且蔬菜索左湯汁之後更覺鮮甜。
最後想講呢度有好多甜品選擇，除左餐紙上可以選擇嘅榴槤炸彈、朱古力炸香蕉、炸雪糕、炸鮮奶同迷你心太軟之外，甜品櫃仲有雪糕、雪條、啫喱、豆腐花、奶凍等等。淨係食甜品都可以食到半飽呢！
Post
