阿久根和牛立燒店 (Closed)

今日去左旺角東買野，之後要搵野食。上網見到呢間立燒嘅舖頭，主打食牛嘅，同埋好似細細份，都幾多選擇，就去試下佢！入去見到餐廳唔係好大，主要二人座位，有部細細地嘅爐，坐落都鬆動。我哋揀左一個極尚和牛定食同加左唔同嘅燒物，有蔬菜，豚肉，雞肉等等。首先有前菜上枱，甜甜地幾開胃。個定食就有沙律，酸菜，湯，飯同唔同嘅牛。啲牛好好食，有油脂但又有咬口，唔使燒好耐都好正，牛舌都好推薦，厚切好好咬。其他d燒物都好高質素，尤其鰻魚，雞軟骨，都係水準以上。餐廳都唔趕人，仲唔收加一，可以叫杯啤酒，兩個人談下心都幾 chill架！