Lockeroom Dining (朗晴坊) (Closed)

旺角係一個人多車又多既旺區，有時想搵返個地方喘息下都真係唔係咁易，但係又唔係話冇計既，就好似我同朋友今晚就向高發展，約左係朗晴坊d上樓餐廳度食飯，交通方便得黎又旺中帶靜。我地揀左8樓呢間樓上cafe，因為聽朋友講口碑不俗。餐廳地方唔算大，但係都好有空間感；另外，呢度裝修簡約，以足球爲主題，有波衫、球衣、球星相做裝飾。Menu呢度係食西餐既，主打牛扒同豬手，仲有意粉、意大利飯等等既選擇，午市晚市都有d優惠套餐，價錢就分別由$52起同$108起。set dinner包括左沙律、餐湯、餐包、主菜同餐茶，仲可以以半價既優惠享用佢既自家制甜品。是日精選沙律呢個沙律好fresh，配埋個日式麻醬仲好滋味tim，最鍾意佢加左d柚子爆珠落去增加個口感，味道又好清新是日餐湯及蒜香牛油法包今晚個餐湯係南瓜湯，足料濃郁，配埋個香脆鬆化既蒜香牛油法包卡邦尼意大利天使麵配溫泉蛋$108呢個天使麵份量好多，麵質軟腍，味道就略嫌淡左d，但係隻溫泉蛋就做到半熟蛋黃，蛋白唔至於半熟，但係質感好嫩滑波士頓活龍蝦（半隻）配鮮蕃茄汁意大利飯$128呢個意大利飯既質感軟稔但係又有d煙韌，鮮蕃茄汁味道濃郁仲帶點酸甜，食落好醒胃，不