Homeland (彌敦道)

Open Now

Now Closed

今次介紹旺角人氣新派西餐廳Homeland。環境舒適，景觀開掦，對住旺角鬧市街燈閃爍，即刻有種「繁華中偷閒」嘅浪漫感。一上枱就聞到清香的味道！蟹肉絲多到似拆開成隻蟹，混入炸紅蔥頭同花生碎，酸辣汁調得超醒胃，柚子粒爆汁仲帶少少甜味，fusion得嚟毫無違和感！話就話係前菜，估唔到有6隻大蝦連殼浸喺金黃蒜蝦油海！蝦頭膏香濃到似海鮮醬，蝦肉夠彈牙。彈酸種麵包烘到微焦脆，索盡香蒜蝦油蝦膏精華，邪惡到想encore多份！一上枱已經覺得好震憾。餅底夠脆，成隻龍蝦鋪滿面，鉗肉已拆好超貼心。明太子醬混蛋黃醬海嘯級爆發，蟹柳加煙三文魚加龍蝦肉三重鮮味夾擊，每啖都嘗到充滿大海新鮮的味道。茶杯浮住朵綻放菊花！入口清甜，飲完成個人由內到外暖笠笠，充滿菊花香味甜品就揀左經典蘋果覆盆莓餡餅、唔太甜，蘋果蓉同覆盆莓餡味道都保持到平衡。最特別係呢度甜品可以有tailor made畫盤服務，今次就揀左我最鐘意的角落生物豬扒，畫得超靚，儀式感滿滿，充滿驚喜。