- 三重大極上丼
拖羅覆蓋住整個壽司飯，旁邊仲有好多蟹肉，頂層仲有海膽，刺身陣容非常豪華🤩。拖羅比較薄身，不過油脂豐富，食落唔覺有筋。至於蟹肉算鮮甜。
- 鵝肝海鮮盛丼
海鮮包括帆立貝、三文魚籽、黑魚籽同海膽，仲有一塊厚身既鵝肝。鵝肝煎得非常香口😋，黑魚籽充滿鹹香，海膽同帆立見亦好新鮮，另外將飯同蛋黃撈勻變得更惹味。
- 朱古力沙冰
甜度適中，飲品夠凍可謂涼透心。雖然沙冰上面仲有朱古力碎同忌廉，不過整體味道唔算膩。
- 葡萄䄂梳打
味道一樣唔算太甜，份量適中👍🏻。
整體而言，剌身幾新鮮，不過我同女友都食剩壽司飯，假如刺身份量多啲會更好😝
