朋友傾開都想再次黎返呢間旺角cafe
可以hea下玩下吹下水！
呢到晚餐set有好多選擇，而且仲有好多款特式飲品添！
今日是日湯有南瓜湯，飲過一次真係好想再點多碗飲，佢幼滑得黎又帶點南瓜絲，香甜又好飲！
最正係佢地呢到既特式飲品真係好正
Oreo脆脆特濃朱古力（凍）
濃郁朱古力味，仲有好多Oreo脆脆係面
好飲又有口感！
楓糖漿蕃薯條
呢個番薯條真係大人細路都啱食
每一條都沾滿楓糖漿，香甜又香脆！
另外仲可以加錢要一份二人小食
小食包括：雞軟骨餃子、薯角、唐楊雞塊
新鮮熱辣每款都香口好味，金金黃黃又脆口
巴馬火腿拉絲水牛芝士手工薄餅
超濃郁的芝士再加上巴馬火腿，簡直係絕配
手工薄餅餅底超鬆軟，薄餅邊亦非常脆！
細細件1-2人食份量剛剛好
呢個金沙雞翼真係值得一讚
香脆可口嘅外層，肉質多汁嫩滑
鹹香味濃郁惹味，勁好食！
