湯•米 (Changed Hand) New Restaurant

今晚同M佬去旺角睇戲，中間得1個鐘晚飯時間，話多唔多，話少唔少，但又唔想求其食碗雲呑麵喎！而至愛打邊爐嘅我哋發覺戲院附近開咗間台式火鍋：湯•米，主打一人一鍋，仲有少見嘅臭臭鍋！湯•米除咗臭臭鍋，仲有另外八款嘅火鍋湯底㗎。巴蜀烤魚鍋M佬就揀咗巴蜀烤魚鍋，上枱一刻見到魚唧份量咁多，真係好surprise！魚肉煮得嫩滑入味，雖然多骨，但條條大骨，都算ok！而配料仲有娃娃菜、椰菜、雲耳、金針菇、豆腐、豆角、粟米、炸薯仔、鮮冬菇同炸枝竹等，蔬菜已預先加入鍋內，所以夠晒入味。火鍋仲配有粉絲、公仔麵或白飯可揀，識食一定揀粉絲，索晒湯汁精華，好滿足。沙茶牛肉鍋而我就揀咗沙茶牛肉鍋，鍾意佢嘅濃厚花生醬同沙茶味，而牛肉份量唔少，新鮮軟嫩。而配料仲有牛肉丸、娃娃菜、椰菜、雲耳、金針菇、豆腐、豆角、粟米、炸薯仔、鮮冬菇同炸枝竹等。加埋最愛嘅公仔麵，相當唔錯。滿杯紅柚子、超級水果綠妍食得台灣嘢又點少得飲台式飲品呢？滿杯紅柚子同超級水果綠妍都夠晒解喝，而且水果比例好多，口感夠晒豐富。