我地叫咗主食+$55就可以升級為set(包餐湯、餐包&$60以下飲品)。是日餐湯為南瓜湯，如果驚餐包太乾身都可以向侍應附加牛油。
<北海道帆立貝海膽醬扁意粉> $178
意粉用咗好特別既碟裝住，睇落幾有日式風情。海膽醬味道濃厚，鮮味十足，而且唔會好腥!!!扁意粉相當掛汁，沾滿橙黃色醬汁。兩粒北海道帆立貝大大粒啖啖肉，我更推介這個。
<日式原條鰻魚意大利飯> $178
日式x意大利菜的fusion配搭~意大利飯相對比坊間偏硬身，同雜菇嘅配搭味道清淡健康。鰻魚一整條好抵食，日式燒汁x海苔絲x柴魚片食落好似章魚燒haha
<玫瑰抹茶> $56
熱飲有漂亮嘅心形拉花~上面仲有玫瑰乾花，整體奶味濃厚。
<桂圓紅棗茶> $56
紅棗茶只提供熱飲，飲落較甜，滋補養生。
