吉列牛忌廉烏冬專門店 (彌敦道) (Closed)

大家好 我係為食女孩。 今日黎到呢間韓式吉列牛忌廉烏冬專門店。 店舖既位置其實都需要時間去揾，不過係google 小姐既帶領之下，都順利黎到。 先講下環境，樓底目測高過米八。韓國野真係韓國野，餐廳同韓仔都係以高取勝。旺角呢個地方，聽到都覺得迫。 但呢道地方都幾大，有時行行下街唔想再迫都可以上黎坐下。職員服務都唔錯。我哋叫咗吉列牛，牛肉見到有好多，起碼有10件以上。而且係一個定食，又有湯，又有芝麻醬豆腐同蕃茄作為前菜，而且飯加上飯素，10分飽肚。另外要大讚嘅係忌廉咖喱雞肉烏冬，加上忌廉嘅烏冬好滑，好濕潤，而且唔會好辣，但夠惹味。最後仲有小食，蜂蜜牛油單骨雞翼，味道好特別，而且幾香口。