旮旯 (Closed)

元朗行第二站來到旮旯，因為係下午茶時間並唔多人。一入到去已經有日本時光倒流的感覺，給人的感覺很舒適。卷蛋 - 抺茶味 - 卷蛋有四種味道，分別係抺茶，泰式奶茶，紫薯同黑芝麻。，店員推薦抺茶同泰式奶茶，最後都係選返穏陣的抹茶。果然冇令我地失望，抹茶味好香濃，而且質感係入口即溶，不過真係好細件，差D一啖都食得晒!葛餅 - 抺茶味/黃豆粉 - 最初唔知葛餅 同麥糍有咩分別，原來葛餅的口感比較似啫喱，而麥糍係加左麥提莎，最終都係試左葛餅。葛餅有抺茶味/黃豆粉，另外仲有黑糖可以點，不過就咁食都好夠味，口感煙韌，好啱係夏天食。整體而言，甜品味道唔錯，只係分量偏少，而且環境舒服，可以一試。