訂購前先打電話訂臺，仲講明要遲十分鐘到，職員話遲小小吾緊要，一個鐘乜都夠。
開飯前一日再confirm booking, 再講清楚會遲D到叫佢地留臺，以為好聰明。
Book咗8:30pm果場，8:35pm 去到。服務員安排我坐喺入門口玻璃門後面張臺，而裡面有兩張無人訂嘅大臺？
我話一早訂臺講明遲D到，點解會安排成咁？最後經理安排將一張六人臺分開兩個位比我坐，經理仲聲明隨時搬番我地出門口坐…真係受氣！ 其實團購同walk in 一樣價錢，佢地偏偏虾你買咗飛約晒人無得退，而留番D位吸引walk in客:(……令人反感。
坐低服務員行過嚟，話蟹腳同帶子都無。我問多聲咁食物單上面有無取消呢兩項？佢話就係無先至要通知我……無辦法啦，顧客永遠是"蠢"的。
食品質數：正如其他食評一樣，無味，吾新鮮，連壽司都無落醋…可能要降低成本。清酒只有凍無暖嘅，淡而無味，吾睇住個壺吾知飲緊清酒。如果早D睇咗食評
就吾使中招
正正因為食物質數差，諗住叫多於D壽司食飽個肚就走人。因為D壽司無醋啃吾晒，剩番D飯喺個碗，服務員行過嚟警告我"浪費食物要罰錢",結果叫兩罐可樂將D無醋嘅壽司飯啃晒佢。嗨，囉苦嚟辛。
我個人嚟講，幫襯團購嘅原因，主要係想試吓D未幫襯過嘅食嗜，希望發現到好嘢將來多一個選擇，更天真到以為佢地以推廣價作招來，原來大部分係綽頭。
結論係兩個人$380好多選擇，最小吾使咁受氣？！
