大家要抽多D時間陪下長輩.
之前都食過幾次的了,今次叫了鳳爪,青椒,牛什,油菜,蛋散,牛肉球,豆腐花等等......
平時我大慨會叫蘿蔔糕,紫菜卷,蝦腸,粟米球等等......
圖中類似烏冬物體,以為好淡味,未食之前心諗舅父真搞笑,點知食左之後發現雖然無餸,但個湯底唔錯,應該係蝦米/菜等淆出來,唔係話太濃.
飲過呢度ge早,午,下午茶,當然下午茶最抵,平均2個人合共先食$5~60左右.不過下午茶就當然較有機會有d野食沽清左.
可能之前都係食寫點心紙黎落order,唔知點解覺得推車仔好有feel(雖然推車仔都唔係話好特別or罕有),可以同d呀姐social下咁~
總結黎講,認為飲茶好少話超級超卓優秀,好難食亦都比較少,呢間算係中間的一群吧,不過覺得款式唔少,味道又不俗,侍應有禮之餘唔會過份貼身,唔係話特別豪華裝潢,但都幾舒適,亦都一D都唔貴.
