MX (信德中心) (Closed)

食個早餐先返工，一於去信德中心睇吓有乜平靚正嘅早餐。行去美心 mx望吓先，見到餐牌有新嘢- 牛肝菌嫩雞濃湯長通粉, 好似好吸引，好！一於試下先。叫咗個牛肝菌嫰雞濃湯長通粉配煎雙蛋，餐茶要咗杯熱咖啡。見佢碗長通粉份量都好足，首先試下啖湯先，湯底充滿牛肝菌香味，湯汁都好杰身，每條長通粉都掛滿湯汁，雞肉唔鞋，好味，煎蛋都煎得唔錯，只係塊麵包烘得唔夠燶，咖啡就係一般快餐店水平。整個餐只係賣32元就真係幾超值，會再食！