四季常餐 (Closed)

中環呢間四季常餐茶餐廳，日日到左食晏時間都大排長龍，鋪頭細少，估計只可以容納二十人左右。對於我呢啲得一小時食飯時間既打工仔，真係得個渴望兩個字😣一直都諗究竟有甚麼特別呢？係價錢便宜定真係好好味？今早特登早啲起身黎試下佢地既早餐，早餐時段果然唔需要排隊。👍🏾但係我早餐時段食吾得多，所以我睇餐牌見到佢哋啲三文治某幾款係用餐包為主，對於我呢啲咁鍾意食包嘅人覺得非常吸引，因為餐包一定鬆軟個方包既。我叫咗個芝士餐肉滑蛋治，炒蛋做得滑溜，配上溶溶地嘅芝士同煎得脆脆地午餐肉，重點係個餐包好大個，焗到脆脆地咁，好正呀！但係個份量相當之大，食到頂住左個位🤣🤣