金御海鮮酒家 (Closed)

環境3分：中式酒樓格局但裝修有D婚宴feel，OK光猛，正常三分。衛生3分：見到啲碗碗碟碟枱布都幾乾淨，都係正常三分。服務1分：明明間酒樓有四成空枱，但就係要你搭枱。坐低咗又要你搬兩次，但你又見到有啲兩個人坐六人大枱，又唔畀你搭埋去，就係識夥記同唔識夥記嘅分別。我唔識夥記咪扣曬分算數。味道1分：1)      脆香鮮肉韭菜角非常之油膩，同埋好明顯係返炸，扣兩分。2)      山竹牛肉球非常之淋，但冇咩味，扣多一分。3)      粟米咸豬骨粥比較正常，豬骨真係非常之骨，冇肉，要扣多分。抵食1分：飲早茶嚟講環境同衛生都算好，不過服務態度同點心質素咁差，幾平都唔會抵食，畀盡一分。