譚仔雲南米線 (港灣豪庭廣場)

Open Now

Now Closed

喺呢個商場已經無乜餐廳可選擇，譚仔早餐叫做比較有水準，土匪炸醬多士同餐蛋丁都好食，早餐時段未至於有太多客，而且舖面大，多數都不用等位，但人手嚴重不足，無人執枱，落單要等，比錢要等，食完哂成個早餐都未上飲品，催左兩次，個收銀都算反應快，自己入去水吧沖飲品出黎……又試過早餐坐左7-8成客，但樓面得一個員工，落單又佢，執枱又佢，傳菜又佢，接外賣係佢，收銀又係佢，但角落位有個staff 喺度嘆早餐，如入無人之境，雖然人地間餐廳點樣管理唔關我事，但係咪可以安排多啲人手，好多人食完早餐都要趕返工趕返學，所以速度快都好緊要，希望貴公司能夠跟進下呢間分店既情況。🙏🏻