鋒哥廚房 (Closed)

正所謂一日之計在於晨🌞，食到一個靚早餐係非常重要！今日嚟到鋒哥廚房，享受一下豐富嘅港式早餐🙈今日就叫咗雞翼意粉、菠蘿包配荷包蛋、深海魚柳早餐、炒滑蛋多士，係兩個人食嘅份量！我自己最鍾意就係食佢個菠蘿包🍞雞翼意粉係清湯底，雞翼已經非常香脆可口，肉汁滿滿，由於雞翼已經有濃郁嘅調味，所以夾埋意粉一齊食更加正。🥵如果怕熱氣嘅朋友們可以將雞翼浸落啲湯度👍🏻菠蘿包配荷包蛋嗰個菠蘿包，咁啱新鮮焗起，烘焙過後表面金黃色、凹凸嘅脆皮賣相好吸引🤩，荷包蛋都整得好靚，識嘅時候充滿彈香。深海魚柳早餐配炒滑蛋多士，魚柳炸到脆卜卜，外脆內院，食得出魚柳🐟嘅鮮味，旁邊嘅蕃茄唔會太酸，好新鮮‼️我自己就鍾意將蕃茄蛋同埋方包夾埋一齊嚟食。