Video
Read full review
2015-08-25
3374 views
星期六日出外吃飯, 最開心莫過於唔洗排隊, 6:00 PM 原先在一杯取了籌要等8張枱, 好在行下行下見到呢間燒肉店, 而門口既店員正在與客人溝通緊未到齊可否留枱, 我地又驚死冇位, 餐牌都未睇就決定入內一試喇!原來係有3款任食套餐, 限時100分鐘 (不用加10%服務費), 或者跟餐牌散叫都可以...套餐1 : $218/人, 54款食材, 不包飲料套餐2 : $288/人, 93款食材, 包3款飲料(可樂, JOLLY SANDY, 同埋忌廉溝鮮奶)套餐3 : $428/人, 108款食材, 包指定飲料同埋可加黑毛和牛食材.我地揀左$288/人, 服務員話會先黎一盤什錦肉(豪州產和牛 特選五點盛盒, 再加左少少雞肉, 豬肉和豬頸肉), 可以先嘗嘗個人喜好, 再追加自己喜歡的食材.盛盒很豐富, 看上去色澤新鮮, 每款牛肉味道其實也不錯, 我個人比較喜歡牛肩背肉(澳洲M6和牛) 和巨型肋肉條, 牛味濃郁, 而且入口軟和. 雞肉和豬肉亦不輸蝕, 全熟也不靱, 豬頸肉也爽口彈牙.然後是前菜, 左起是芥辣八爪魚, 中間紅色是牛胃, 然後是白菜KIMCHI. 芥辣八爪魚很好味不算太辣, 牛胃味
原來係有3款任食套餐, 限時100分鐘 (不用加10%服務費), 或者跟餐牌散叫都可以...套餐1 : $218/人, 54款食材, 不包飲料
套餐2 : $288/人, 93款食材, 包3款飲料(可樂, JOLLY SANDY, 同埋忌廉溝鮮奶)
套餐3 : $428/人, 108款食材, 包指定飲料同埋可加黑毛和牛食材.
我地揀左$288/人, 服務員話會先黎一盤什錦肉(豪州產和牛 特選五點盛盒, 再加左少少雞肉, 豬肉和豬頸肉), 可以先嘗嘗個人喜好, 再追加自己喜歡的食材.
盛盒很豐富, 看上去色澤新鮮, 每款牛肉味道其實也不錯, 我個人比較喜歡牛肩背肉(澳洲M6和牛) 和巨型肋肉條, 牛味濃郁, 而且入口軟和. 雞肉和豬肉亦不輸蝕, 全熟也不靱, 豬頸肉也爽口彈牙.
然後是前菜, 左起是芥辣八爪魚, 中間紅色是牛胃, 然後是白菜KIMCHI. 芥辣八爪魚很好味不算太辣, 牛胃味辛辣醒胃, 但可惜太靱咬不開, KIMCHI 爽口.
帆立貝原以為會連殼上, SIZE比較小, 但味道不錯. 虎蝦太細隻而且不夠新鮮, 不爽口更沒啥味道. 牛舌賣相很好, 但不爽口而且有點靱. 羊架被我不小心燒到十成熟, 但也鮮嫩不靱, 更沒有羶味, 讚!
左邊是ENCORE 的牛肩背肉(澳洲M6和牛), 右邊是澳洲M6霜降迷你扒, 雪花分佈細緻, 不宜燒太熟, 5-6成吃其鮮嫩多汁, 肉汁非常豐富.
我地見其他客人都叫左生菜包住D肉黎食, 應該可以幫助消滯一下, 但包左之後肉味大減了, 寧可空口吃REFRESH 一下油膩感.
玉子葱花白飯配豉油, 飯太乾, 碗太少, 撈起上來比較因難, 比牛角的遜色, 也沒有牛角的蒜鹽拌著吃來得惹味, 但蛋王SIZE大, 而且蛋味香濃.
魷魚完全冇味, 不值一試.
牛肋條有筋咬不開, 牛味都濃郁, 但太糼好快燒乾左變靱.
任飲既其中一款飲料, 忌廉溝鮮奶.
20 分鐘前服務員提示LAST ORDER, 並送上雪糕, 但只有士多啤梨味, 冇得選擇. 整體食物質素都好好, 價錢合理, 套餐免加一確係抵食, 上菜速度都几快, 冇漏單. 如果服務員可在上菜時說明一下牛既部位就更加好了.
Post
