開幕當日，各媒體的報導已令我急不及待的來潮聖一下。
對於未曾到訪日本的calbee 店，更提高我既興趣感，唔知新鮮既薯片薯條係咪真係好味啲呢？
走進掛滿紅色燈籠的利東街，仿如走到外國街道，份外寫意。
大約走一分鐘，即可見到長長既人龍正排隊潮聖。
店員會安排一定既人數在店內，所以不會過於人頭湧湧，保持適當既空間感。
大約等候1小時，即可進入。
使用薯片形態的吊飾來襯托燈飾，好可愛呀！
廚房是半開放式，可以看見薯片製作，真係一個唔錯既體驗。加上店員衛生度高，會穿戴口罩、手套及帽，店內完全沒有油煙味道，廚房抽煙系統不錯，日本分店點仍然也保持一絲不苟既作風。
即使進入店內，都需要排隊等候購買。但可以看看玻璃窗，開始選擇想要既薯片形狀及調味。
若外賣或購買零食的就可擁有咁cute既造型紙袋及膠袋，當然要付$1啦。
點選了「香港限定的」#10 避風塘香辣味波浪薯片+ 軟雪糕及 #13芝士味薯條
等一陣就有得食！
#10
調味方面比較輕手，只嘗到微辣，薯片很脆身，而且火候控制得很好，吃完不會很熱氣。3.5生乳軟雪糕霜感較重，不過奶味都好濃架！
#13
最初沒抱太大期望，因為覺得應該是薯條三兄弟的新鮮版。
薯條內是混合了芝士和薯仔蓉，外脆內軟，芝士著重香味多過濃味，真的有追著吃的衝動。雖然它的名字很邪惡，但吃完沒有覺得油膩，十分滿足。
整體份量適中，可有籍口同時試幾款不同口味的。
