月見雞肉棒串~入面應該係雞肉雞軟骨，肉味同醬汁都夠濃夠惹味，沾上生蛋黃個感覺幾特別，似中和返個濃味咁
壽喜燒牛肉蛋汁燉飯~燉飯偏腍，愛食軟飯嘅我就幾鐘意啦！牛肉沾生蛋黃又係無敵嘅！真係有食緊壽喜燒嘅感覺
帕爾馬火腿 朝鮮薊 毛豆 馬鈴薯丸子~丸子同朝鮮薊都係第一次食，丸子就係硬硬地嘅薯仔麵粉丸，本人唔太好但幾新奇嘅，朝鮮薊本身就偏酸，本人都麻麻，fd覺得個白汁底嘅芝士太多太膩，我就覺得還可以
三個女仔居然叫左兩個甜品，因為甜品menu樣樣都幾吸引🍰法式奶油多士~似麵包多過多士，偏腍身嘅，淋上糖漿點埋忌廉食，好有幸福嘅感覺！
巧克力班戟~估唔到班戟都好勁朱古力味，班戟質地似蛋糕多過班戟，唔係空氣感嘅質地，不過都好食！
整體感覺大部分食物都偏濃味嘅
