✎ 鮭魚綜合茶泡丼
個湯幾好飲，唔鹹唔淡。飯粒粒分明，有咬口，而三文魚都幾嫩滑，唔會煮到熟曬，同埋都幾多塊，未撈芥末之前整體都幾好食。撈埋芥末，味道幾特別，唔識形容個種感覺，但都幾好味，唔會有衝突👍🏻
✎ 壽喜燒牛肉定食set
飯一樣都係粒粒分明，有彈性，表面放有飯素，鹹鹹的，為飯帶黎味道～層次感提升😍
壽喜燒個湯嘅味超濃，好好飲！！而入面材料有冬菇、肥牛、鳴門卷兩片、豆腐兩小塊同埋芋絲。豆腐好滑💗，肥牛同芋絲就吸晒壽喜燒啲味，勁好食🤤個餐會附送一啲伴菜，其中木耳最值得一提，木耳表面灑上芝麻，食落鹹鹹地，勁爽脆。另外仲有Mousse cake，好滑溜，唔會太甜，味道似北海道牛乳味🤤味噌湯材料有海帶、細冬菇、細塊既豆腐，飲落都唔似味精湯既，味噌濃郁🥰👍🏻
✎ 西柚冰茶 (跟餐)
好多柚子肉，柚子肉好酸。飲落好冰涼，味道清新，飲完個浸清新味道仲喺口腔徘徊😌
✎ 白玉焙茶戚風
蛋糕上面有四粒丸子，非常彈牙～戚風蛋糕底，好鬆軟～濃郁既焙茶味💗
2
