Video
Read full review
2021-09-03
57 views
呢日朋友帶我食好嘢，我哋order左一個lunch set再加其他à la carte share食!! ◾️汁燒澳洲和牛牛小排定食(Lunch Set - The Prestige)沙律色彩鮮艷，食材新鮮配上百香果製成嘅醬汁好refreshing!! 再來前菜好豐富，有好幾款海鮮加玉子燒，味道不錯加上賣相精緻!! 到主菜啦，師傅會show吓件牛肉俾你影下相，跟住就喺你面前燒，見師傅燒咗一round牛小排拎上嚟點燒汁再放落去燒，製作非常認真，基本上唔使點其他醬汁都好夠味，牛小排煮到大約七成熟但依舊入口鮮嫩，證明餐廳採用嘅牛小排真係高質，牛味濃郁，食完個感覺係呢個lunch set真抵食!! 以下係à la carte 嘅菜式:◾️日本A5和牛西冷溫泉蛋飯自己成餐飯最鍾意呢個dish，A5和牛油脂分布均勻，入口即溶，令我諗起喺日本食Sukiyaki都係呢片牛西冷和牛，好想要一隻生雞蛋呀，但配搭餐廳提供嘅溫泉蛋都好食!! ◾️炭燒慢煮雞扒卷雞肉因為係慢煮所以肉質鮮嫩，包住紫菜飯口感豐富，同碟邊嘅燒汁都好夾，幾有創意嘅料理未試過呢個配搭!! ◾️檸檬牛油煎帶子帶子煎到外脆內軟，熟嘅程度剛剛好，呢個d
◾️汁燒澳洲和牛牛小排定食(Lunch Set - The Prestige)
沙律色彩鮮艷，食材新鮮配上百香果製成嘅醬汁好refreshing!!
再來前菜好豐富，有好幾款海鮮加玉子燒，味道不錯加上賣相精緻!!
到主菜啦，師傅會show吓件牛肉俾你影下相，跟住就喺你面前燒，見師傅燒咗一round牛小排拎上嚟點燒汁再放落去燒，製作非常認真，基本上唔使點其他醬汁都好夠味，牛小排煮到大約七成熟但依舊入口鮮嫩，證明餐廳採用嘅牛小排真係高質，牛味濃郁，食完個感覺係呢個lunch set真抵食!!
以下係à la carte 嘅菜式:
◾️日本A5和牛西冷溫泉蛋飯
自己成餐飯最鍾意呢個dish，A5和牛油脂分布均勻，入口即溶，令我諗起喺日本食Sukiyaki都係呢片牛西冷和牛，好想要一隻生雞蛋呀，但配搭餐廳提供嘅溫泉蛋都好食!!
◾️炭燒慢煮雞扒卷
雞肉因為係慢煮所以肉質鮮嫩，包住紫菜飯口感豐富，同碟邊嘅燒汁都好夾，幾有創意嘅料理未試過呢個配搭!!
◾️檸檬牛油煎帶子
帶子煎到外脆內軟，熟嘅程度剛剛好，呢個dish對比起牛肉就冇咁有驚喜，正常水準嘅發揮!!
◾️炭燒美國熟成厚切牛舌
Dry aged十四日嘅牛舌，令肉質和味道變到更香濃，咁厚嘅牛舌都好容易咬開，正!!
食咗好多嘢大家都飽啦，每人大概$400幾，有牛嘅菜式都俾到我驚喜，有如置身日本食和牛嘅感覺，燒物如牛小排、西冷同牛舌都有師傅係你面前燒好再serve，服務同餐廳環境都一流，好好嘅fine dining體驗!!
唔記得講，最後個小甜品ginger ice cream都非常正，大家想食記得book位因為bar枱位唔算多，當我想食和牛嘅時候會再嚟㗎喇!!
Post
