大將 (Closed)

依家真係打邊爐嘅季節！我係牛控😋打邊爐就最鍾意食靚牛，依日就去咗喺將軍澳嘅大將💗嘆一下「日本黑毛和牛120分鐘放題 」（$428/每位）～鍾意叫幾多Round 都得😋正！新派舒適系裝修，木質裝潢環境闊落，坐得舒服。🔶湯底🔶屋企人點咗「四季文昌椰子雞湯」，喺呢度嘅人氣TOP 1 ～係用100％純椰子水，以兩份椰青同埋一份椰皇做比例，滾咗之後放埋啲雞件落去，入口非常清甜，充滿椰香。我就點咗「花生沙嗲湯」，沙嗲香氣非常濃郁有層次～不會過咸，用嚟唰肉就最啱啦💗🔶肉類🔶有十幾款肉類可以點。我都食咗幾Round 日本黑毛和牛😋油花均勻，入口肉質好嫩～忍唔住食完又叫過。另外仲有美國三筋肉丶和牛肩胛肉丶一口牛肉粒等等。精選羊卷肉都唔錯，羊味濃郁，香而不羶。而海鮮方面有青口丶蝦丶八爪魚丶抗州黑魚片。魚片好嫩都唔錯。🔶自助區🔶出面除咗有各款丸類丶蔬菜⋯仲有幾款前菜同埋熟食，例如泡菜丶小番薯丶炸雞等等，擺放得好整齊令人賞心悅目。而甜品選擇唔算太多，不過最特別嘅係有自助窩夫區，有小漏斗用來計時。另外仲有自助冰淇淋區～配有不同配料，可以自己整返杯靚冰淇淋。