Video
Read full review
2023-09-11
85 views
餐單分咗A-F餐，A餐得豬同埋雞可以任叫(優惠價198)，而揀B餐嘅話基本上咩都有得叫（平日優惠價248好抵食），有得俾你任叫海鮮，牛肉，豬肉同雞肉。食物方面，呢間啲肉比起出邊嘅平價燒肉放題高質好多，啲牛肉豬肉都好好食，好Juicy同嫩，一啲都唔會乾同柴，加上海鮮係好靚嘅大蝦，同埋有青口。呢啲基本食物都做得好好，所以幾推薦，同埋醬料有得揀五六種，每一款都好值得試。而我哋係嗌咗C餐(優惠價368),佢會特別多咗一碟頭盤,有得試埋黑毛和牛同埋澳洲M9牛組合。想講！雖然頭盤係得一碟，但係呢一碟啲牛每一塊都係入口即溶嘅口感，真係好好好食。C餐就貴少少，但係值得一試！嘢飲甜品方面都算多選擇，有得揀diet白色可樂同埋可以自己沖唔同嘅茶包（有竹蔗茅根雪梨茶！），可以解下肥膩同熱氣。另外值得一讚嘅地方係，呢度啲雪糕全部都係日本一支支裝嘅雪糕任拎，我試咗井川屋紅豆雪條好好食！佢都有個甜品櫃係擺啲小蛋糕，有五六種口味，我鍾意食芝士布丁！
餐單分咗A-F餐，A餐得豬同埋雞可以任叫(優惠價198)，而揀B餐嘅話基本上咩都有得叫（平日優惠價248好抵食），有得俾你任叫海鮮，牛肉，豬肉同雞肉。
食物方面，呢間啲肉比起出邊嘅平價燒肉放題高質好多，啲牛肉豬肉都好好食，好Juicy同嫩，一啲都唔會乾同柴，加上海鮮係好靚嘅大蝦，同埋有青口。呢啲基本食物都做得好好，所以幾推薦，同埋醬料有得揀五六種，每一款都好值得試。
而我哋係嗌咗C餐(優惠價368),佢會特別多咗一碟頭盤,有得試埋黑毛和牛同埋澳洲M9牛組合。想講！雖然頭盤係得一碟，但係呢一碟啲牛每一塊都係入口即溶嘅口感，真係好好好食。C餐就貴少少，但係值得一試！
嘢飲甜品方面都算多選擇，有得揀diet白色可樂同埋可以自己沖唔同嘅茶包（有竹蔗茅根雪梨茶！），可以解下肥膩同熱氣。另外值得一讚嘅地方係，呢度啲雪糕全部都係日本一支支裝嘅雪糕任拎，我試咗井川屋紅豆雪條好好食！佢都有個甜品櫃係擺啲小蛋糕，有五六種口味，我鍾意食芝士布丁！
Post
