好耐冇同隔離 team 同事食晏，今日喺 pantry 撞到，約埋一齊食 lunch，揀咗公司附近呢間「豚豚食堂」。
1
午市以套餐為主，選項都幾豐富，有咖喱、精選烏冬、丼飯、弁当、拉麵和定食，另外亦有一、二人自選套餐可供選擇。
點咗個自選一人套餐 ($95) 同 吉列豬扒奄列咖喱飯午市套餐 ($68)。
一人餐可以任選 1 款拉麵或飯 + 1 款小食或叉燒炒飯，揀咗鰻魚丼 (+$10)，鰻魚肥美肉厚，食落有魚脂香，入口即化。米飯軟糯有咬口，配埋微甜嘅鰻魚汁，啖啖滋味。
小食選了炸豆腐，入口外酥內軟滑，面頭灑滿了木魚絲，食落香口惹味。套餐唔包飲品，不過 +$5 已可配熱飲一杯，非常經濟。
至於另一客咖喱飯，水準亦唔錯，套餐奉送前菜及味噌湯。
吉列豬扒炸得很香脆，肉質鬆軟彈牙。雞蛋滑溜富蛋香，米飯圓渾煙韌、入口粒粒分明，咖喱味濃又不失甜味，用嚟拌飯一流！
