天花掛咗好多燈籠,入門口又會有人敲鼓歡迎🪘,感覺好熱鬧好有氣氛!
牛舌燒完特別香特別多油份,而且咬落唔韌勁好食👅👅
黑豚肉又係燒到好香🍢,加埋啲豬油逼晒出嚟,油脂味豐富~
不過同牛舌一樣,灑鹽多咗少少🧂~
如果唔鍾意咁鹹可以抹走一啲食就啱晒!
雞翼怪必點芝麻雞翼🐔,因為又香又脆~
呢度嘅炸皮好薄,而且真係新鮮炸起會淥咀哥種🌡!
入面嘅雞翼仍然帶有肉汁😋
呢個燒蠔真係幾抵🦪~
蠔面有啲千島醬同芝士烤香🧀,而隻蠔唔會烤到太熟縮埋一粒~
最鍾意佢仲keep到啲蠔本身嘅汁同少少海水🌊,食落又鮮甜又有芝士香~
一向都喜歡食羊架🐑~
呢個略帶羶味,但我同母親大人都接受到~
羊肉好嫩滑,咬落去都仲有肉汁滴出嚟,而且仲係粉嫩嘅顏色💗~
簡單落啲鹽調味已經好正,怕羶嘅朋友可以點啲芥末~
估唔到呢度刺身有炙燒左口魚裙邊🐟!
超滑超正仲好有魚油味!
加埋炙燒少少焦香味🔥,滑捋捋一入口就融化了。
最怕天婦羅啲蝦成日霉霉地…呢幾隻蝦都爽口🍤~
而炸粉脆得嚟又唔油,連個秋葵都唔錯~
食埋個炒飯就夠晒滿足🍛!
炒飯夠乾身,而且帶點蛋同海膽🥚,味道好鮮香~
面頭嘅海鮮都好足料🦑,大大粒帆立貝同青口勁吸睛👀
母親大人唔飲酒就叫咗個荔枝乳酸梳打🍹,酸酸甜甜又有汽~
我飲酒嘅就試下呢個烏龍茶燒酌~
燒酌一開始飲係幾嗆喉,但烏龍茶味都夠香🍵~
後來啲冰融咗啲,酒味無咁濃就更好飲了🍶
呢個地方都幾適合一班朋友聚會,氣氛夠熱鬧,嘈啲都無問題!
而且佢嘅酒類選擇都幾多,而家仲做緊特價添!
抵飲🍻
3
2
1
