研究了一會餐牌，我們叫了兵之膳（$468）。選了不同肉類一起食，可以試下不同種類。
🐟刺身三點
🥚茶碗蒸
🐂牛舌心
🐂同朋友分別選了：美國熟成肉眼 ·日本和牛西冷
🐂 同朋友分別選了：日本和牛肉眼 ·日本黑豚西冷
🥬時令野菜四點
🍜烏冬
🍄舞茸菇清湯
🌸黑糖水信玄餅
以下為大家逐一介紹：-
1️⃣🐟刺身三點
刺身包括北海道凡立貝、拖羅及深海池魚。凡立貝肥美鮮甜，大大粒、脹卜卜。拖羅魚油甘香細膩。深海池魚肉質細膩爽口帶油份。三款刺身都好新鮮。
2️⃣🥚茶碗蒸
魚子茶碗蒸。雞蛋蒸得夠滑嫩，魚子都算多汁美味。
3️⃣🐂牛舌心
牛舌心是牛舌中間的肉心，是最嫩滑嘅位置。口感爽脆得來油香味濃。配上柚子醋及辣椒蘿蔔蓉。令味道更多層次。高質。
4️⃣&5️⃣&6️⃣🐂 關西風壽喜燒— 日本和牛肉眼、日本和牛西冷、美國熟成肉眼
呢度用了關西煮法，先用牛油沾鍋後，放肉下去煎烤。 之後才開始放其他料，然後慢慢調味。 牛肉方面，我們選了：-
🐮 日本和牛肉眼(A4)— 來自牛胸肋附近嘅肉，油脂比較多。
🐮日本和牛西冷(A4)— 是牛後腰脊柱兩側的肉，肉質細嫩。
🐮美國熟成肉眼— 21日熟成牛。熟成可以利用牛肉本身帶有的酵素破壞肌肉的結締組織，令肉質更加軟嫩。
試完之後，我覺得最好食的係日本和牛肉眼。霜降雪花紋理清晰。入口油花豐富、口感順滑，有少少入口即容效果。牛肉味道最重的係美國熟成肉眼。色澤最深。肉質厚實、味道香濃。配上日本新鮮雞蛋，味道更上一層樓。可以一次過試幾種唔同種類，感覺好好！ 不知道大家又喜歡那一種呢？
7️⃣🐷日本黑豚西冷
肉汁豐富、口感鬆軟有彈性。
8️⃣🥬時令野菜四點
春菊、津白、芋絲及蘿蔔加上壽喜燒汁，甜甜地都幾好食。
9️⃣🍜烏冬
廚師會主動問佢想食濃味或淡咪。煮一陣後又會比我地試味。因為係特別調制，所以味道很合心。烏冬口感好煙靭。好味道！
🔟🍄舞茸菇清湯
溫度夠熱、味道清清地、有少少菇味。可以一解油膩感。
1️⃣1️⃣🌸黑糖水信玄餅
賣相漂亮。黑糖味好濃郁，裏面有少少話梅肉，甜鹹交集。食落都好滿足。
我哋今次兩個人食，策略性叫咗唔同款嘅肉類。令整體感覺更抵食。可以成為口袋飯店。
1
