去太古城買日用品，泊車方便，去搵野食醫肚先。
放假對自己好啲食餐好既，來自日本東京的過江龍韓式燒肉。
餐廳佈置好有氣氛有日本風格，每個卡位之間有日本窗簾，好似去咗旅行咁呀。
先來個透心涼的水冷麵$98， 真的百吃不厭，又可消除肉的油膩感。
連骨牛肋肉$198
每次食燒肉都必定食呢個部位，薄薄地有牛肉味肉汁又多。
極上海鮮拼盤 $528
有兩隻非常大的蝦，肉質厚實新鮮，有驚喜。還有帶子牛肉片、腩肉片及雞翼。
最後來點飯氣，食個石頭鍋飯$98
暖笠笠，個底仲可以有飯焦，最合我心意，醬汁同配菜拌勻，好滋味。
整體上價錢都合理人均消費300-400一位。本身好想食醬油蟹啊，但係已經好飽啦，約埋班朋友下次食先。
