GARIGUETTE (Closed)

🍓 ナポレオン 原味士多啤梨（S Size)（$76)佢係鋪頭嘅招牌口味，用兩塊杏仁拿破崙脆酥夾住特製吉士忌廉同士多啤梨；拿破崙脆酥表面鋪滿杏仁同焦糖，香氣十足，而且咬落去好酥脆；吉士忌廉細膩幼滑而且奶香味濃，配上酸酸甜甜嘅士多啤梨，味道好夾之餘好清新🍰 TIRAMISU（S size）（$70）估唔到拿破崙配Tiramisu 味道都好夾，Tiramisu 質感輕盈幼滑，入口好香咖啡味同酒味，撒滿左可可粉同朱古力餅碎，可可粉嘅甘苦令甜度變得啱啱好，而朱古力餅碎則為整體口感增添變化同層次🍇 冧酒提子麝香葡萄（Mini Size)（$38）唔好睇佢只係mini size細細件，入面夾左滿滿嘅冧酒提子乾忌廉同麝香葡萄，非常足料，忌廉濃郁細緻，食落口冧酒味道好突出，配上高糖度嘅麝香葡萄，甜而不膩🍵 抹茶麻糬（Mini Size)（$42）佢哋嘅抹茶忌廉有香濃抹茶味，而且仲食到抹茶本身自帶嘅微苦，苦味同甜度平衡得啱啱好，麻糬煙韌唔痴牙，口感同味道都有豐富嘅層次